إزاي تتعرف على بنت روسية

مواقف روسية

Posted by: Abanoub Adel Category: Russian

إزاي تتعرف على بنت روسية

دلوقتي لو إنت شاب مصري، أو عربي، ومسافر روسية تدرس ومش عارف ولا كلمة روسي يادوبك بتعرف تفك الخط
افرض مثلا إنك ماشي في الجامعة مثلا أو في المدرج، وهوب وقعت عينك على بنت روسية حلوة كدة،فإنت طبيعي هتحب تتعرف عليها فإحنا هنساعدك
والبنت كمان، يعني عشان حقوق المرأة وكدة، مش هننساكي، فلو إنتي كمان قابلتي نفس البنت الحلوة وحبيتي تتعرفي عليها، يعني من باب الصحبة الحلوة وأهو تقضي وقت فراغِك، إحنا هنساعدِك بردو
عشان كدة إحنا هنقدم في المقال ده إزاي بالروسي، لو مش عارف ولا كلمة، تقدر تتعرف على أي حد، مش شرط بنت حلوة.

أول مابتقابل أي حد قدامك طبيعي بتقوله إزيَك، بس هتعمل كدة إزاي بالروسي؟
فيه عندك كذا حل: لو شخص أكبر منك ومكانته عالية، زي دكتور جامعي مثلا، هتقوله

Здравствуйте.

وفيه كلمة أقل منها شوية وديه بتتقال للناس الكبار بس مش شرط تكون مكانتهم عالية زي البائع أو السائق

Здрасьте.

2- نرجع بقى لمثال البنت تاني، أكيد هي مش دكتورة في الجامعة، هي زميلتك، فهتقولها ايه؟

Привет.

ركز في دخلة الكلام عشان بتدي انطباع عنك إنك فاهم إنت بتكلم مين ومش حد حافظ كلمتين وخلاص،
المهم بعد كدة، لو ماسابتكش ومشيت، فهي المفروض ترد عليك بنفس الكلمة

привет.

تقوم إنت تسألها عاملة ايه

как дела?

هترد عليك بحاجة من دول، وهم بيمشوا مذكر ومؤنث

Хорошо

كويس.

 

ماشي الحال.Нормально

Плохо

 

وحش.

Отлично

 

تمام جدا.

Слава Богу= слава Аллаху

الحمد لله.

طبعا فيه ردود كتير بس دول أشهرهم.

 

ممكن هي تسألك

а ты?

وإنت

فهترد بأي رد من الي فوق دول.

ملحوظة، سؤال كيف حالك في الغالب بيكون مع الشخص القريب منك في السن، يعني مش هتروح تسأل دكتور وتقوله عامل ايه؟ مش بتحصل صح؟

ممكن بعدها تسأل عندك أو عندِك كم سنة؟ بس خد بالك، الأسئلة ديه ماينفعش تسألها للبنات، فيه ناس بتتضايق منها
فهم شبهنا في الحتة ديه، وبردو فيه ناس بتجاوب، فيفضل لو بنت ممكن تسأل بنت تانية عادي، إنما لو الشخص الي داخل يتعرف من الأول ده فبلاش.

لو هتسأل عن السن هتستخدم

сколько тебе лет?

ولو حد كبير شوية هتقول

сколько вам лет?

الرد بيكون

мне

 

وبعدها الرقم وبعدها بتحط كلمة من دول:

لو الرقم 1 بتحط

год

من 2 ل 4

года

ما بين 5 و20 بتحط

лет

وبعد كدة تعد تاني بس خد بالك ساعتها هتبقى من 25 ل 30 مش ل40 وتكمل تاني من 31 ونبدأ من الأول تاني.

ولو سألتك

а тебе?

أو لو إنت حد كبير أو الي قدامك احترمك زيادة وقالك

а вам?

هترد نفس الرد الي فوق.

الي جاي بس في حالة التعارف أو الصداقة فقط، نسيبنا بقى من موضوع الناس الكبار شوية

Можешь ли ты дать мне твой номер?

ممكن تديني رقمِك؟

Ты замужем?

إنتي متزوجة؟

У тебя красивые глаза

عينيكي حلوة.

можно встречаться?

ممكن نتقابل؟

بس خلي بالك الفعل ده بييجي كمان بمعنى يتواعد، فلو حسيت بأي تغير في ملامحها أجري لحسن ترقعك علقة محترمة.

أما بقى لو كنت سعيد الحظ وفهمتك صح وقالتلك

хорошо

أو

да,

اسألها

где?

فين أو
когда?

إمتى.

في كل الأسئلة الي فاتت لازم تحمي وشك كويس، عشان فيه احتمال حاجة تنزل على وشك، ولو
لقيتها مشيت وسابتك أو بتنده على حد فألحق أجري، عشان غالبا هي بتحب حد وجاييلك دلوقتي.

خلاص بقى خلصت اللقاء اللطيف ده وحابب تنهي المحادثة فهتقول حاجة من دول:

До свидания

إلى اللقاء، أسلوب رسمي.

Пока

مع السلامة، أسلوب ودي.

До встречи

إلى اللقاء، وممكن تحط

до

وبعدها يوم معين ويكون معناها إلى اللقاء في يوم كذا.

وأخيرا، لو حابب تعرف جديد عن اللغة، سواء مواقف أو حاجات تانية مفيدة
تابعنا على صفحة الفيس واشترك في الموقع وقناة اليوتيوب، ويلا بقى

пока

عشان فيه بنت حلوة جاية هناك.

Leave a Reply

Your email address will not be published. Required fields are marked *

en_USEnglish
arArabic en_USEnglish