إزاي تدخل محل وتطلع بالي إنت عايزه؟

تعالى نفترض إنك قاعد مع مراتك في روسيا وقلتلها عايزين ناكل، فهي رصتلك قائمة كبيرة كدة من الحاجات الي حضرتك هتنزل تجيبها من المحل، أو مثلا حضرتك أو حضرتِك راجعة من الجامعة للسكن ولازم تعدي تجيبي تموين اليوم، إحنا هنساعدك وهنقولك إزاي لما تخش محل، تطلع بالي إنت عايزه.

في الأول كدة لازم تعرف إن أي محل مكتوب عليه – продукты
فده ببساطة محل سوبرماركت بلغتنا كدة، وهناك النظام إنك بتخش تاخد قفص صغير بقى وتلف تملاه براحتك وبعدين ترجع تحاسب، وده نفس نظام السوبرماركت عندنا كدة.

حضرتك بتخش وتلاقي نفسك في متاهة، فهنحاول هنا نتكلم على أغلب الأقسام وايه الي هتلاقيه فيها، بس قبل مانبدأ أحب أقولك إنك ممكن ببساطة تسأل أي حد وتقوله – где – وبعدها اسم الحاجة هتلاقيه بيشاورلك، أو بيكلمك روسي وإنت مش فاهمه، وساعتها قوله – я не говорю по-русски – فهيشاورلك أو هيوديك لحد يفهمك.

قسم الخضراوات – Овощи

طماطماية.Помидор
خيارة، وجمعهاОгурец, огурцы.
جزرة.Морковь
كرمب، أو ملفوف، حسب إنت منين.Капуста
بنجر.Свёкла
بطاطس.Кортофель
بصل.Лук
ثوم.Чеснок
الجدول ده فيه بعض الكلمات مش كلها ولكن ممكن نستخدم القواميس للمساعدة

قسم الفواكه – Фрукты

تفاحة.Яблоко
موزة.Банана
برتقالة.Апельсин
يوستفاندي.Мандарин
بطيخ، ينفع في الصيف.Арбуз
عنب.Виноград
ملحوظة بس، في القسمين الي فوق بيكون الشراء بالواحدة مش بالكيلو، يعني بتلاقي سعر الكيلو فبتاخد الي إنت عايزه وتروح توزن وعلى حسب وزنهم بتدفع.

قسم اللحوم – Мясо

لحمة.Мясо
خلي بالك بقى من الي جاي
يعني لحم خنزيرСвинина= порк
فلما تيجي تشتري لحمة اسأله
это свинина?
لو قالك – да
رجعها.
لحم بقري، بيف
عشان لو سألته على لحمة وقالك говядина تاخدها عادي.
Говядина
فرخة.Курица
الي هي الناجيتس بردو، وديه ممكن تلاقيها 15 قطعة في علبة مع بعض
بتنفع بردو لو بتحب تنجز.
Наггетс
في الجداول أمثلة مش كل حاجة

السمك – Рыбы

سمك.Рыбы
التونةТунец
وأعرف حد جربها لاقاها مختلفة عن بتاعة مصر.

حاجات عموما ممكن تنفعك

عصير، وكلمة كوكتيل بتتقال زي ماهي – коктель
غير كدة ممكن تستخدم الفواكه الي فوق.
Сок
ملبس، بومبوني.Конфеты
لبان.Жвачки
ماكارونا.Макароны
صلصة طماطم.томатный соус
رز.Рис
عيش
وفيه منه أنواع كتير إنت وفلوسك والي بتفضله.
Хлеб
ملح.Соль
سكر.Сахар
شاي، زي مابيتنطق بالعربي.Чай
لبن مكثف، حاجة كدة مسكرة شبه الكريمة وبتتحط على العيش التوست
وبيكون طعمها حلو، على ضمانتي.
Сгущённое молоко
ولمعلوماتك بس، كيس ماكارونا مع برطمان صلصة يظبطولك وجبتين، في المتوسط، ولو معاهم ناجيتس يبقى كدة عال أوي.

بعد ماتملى القفص الي معاك وبعدين تروح تحاسب، هتقف في طابور كدة، بيتحدد طوله على حسب عدد الناس الي بتشتري، وبعدين البياع يحط الحاجة على جهاز فيطلعلك تمنها، هتشوف الرقم وهاتديله الفلوس، وخد بالك، إنت تحط الفلوس وهو ياخدها ماتديهالهوش في أيده عشان هم مش بيحبوا الحركة ديه، هتلاقيه بيقولك
пакет?

وهو هنا بيسألك عايز شنطة، خد بالك الشنطة بفلوس، فيفضل تجيب شنطة وتخليها معاك، ولو في الشتاء ممكن تملى جيوبك وهايبقى زي الفل أوي، عشان في الشتاء بتلبس تقيل وأكيد بتكون لابس جاكت.

ماتنساش تتابعنا عشان يوصلك كل جديد، اشترك في الموقع وقناة اليوتيوب ولايك لصفحة الفيس.

يلا بقى – пока – عشان ألحق أجيب الطلبات الي مطلوبة مني، عشان لو ماجبتهاش، هتستخدم معايا – туфли – (الشبشب)، والكلمة ديه جمع عشان بيقصد بيها الفردتين مع بعض (ماهي بتضرب بأيديها الاتنين).

اترك رد

%d مدونون معجبون بهذه: